Wieder zu Hause im Fricktal

Nachere tolle Woche mit Boarde und s Läbe gniesse mit mim WG-Gspändli, beni ich jetzt au schoweder bald 2 Woche dihei. Uuuunglaublich wie die Zit verbi got.

Do no en chline Rückblick....

für einisch mol vom Rothorn richtig Westsite und Valbella

weder uf de Westsite! :-)

Scalottas

Gaaanz obe isch Boardercross Piste gsi, oberhalb vo de Alp Stätz

Tgiantieni - S Berghotel und Restaurant vom Silvano Beltrametti 

bye, bye Marola hütte

Mir sind uf eusere Abschiedstour gsi...ja nur s Wetter het it so mitgmacht...das heisst mir händ schochli Sonne gha, nur s Rothorn het sich versteckt.

ufem Heiweg hets de sogar no für es Glace glängt, es isch soooo warm gsi.

 Denn isch schoweder packe agseit gsi... :-/

en letschte Blick uf Chur bevors de ufd Autobahn richtig Fricktal gange isch.

 Nachdem das Chaos einigermasse besitigt gsi isch, het de Spaziergang uf de Homberg natürlich it dörfe fehle...was für en schöni Ussicht.

Wittnau

soooo schnell got die Zit ume und jetzt

beni ab sofort weder dihei am massiere und bin immer weder uf de Suechi nach neue Kliente! :-)

Wer also irgendwelchi Verspannige het oder mini Ratschläg in Sache Ernährig brucht...eifach mälde!

de Countdown lauft...

Jetzt sinds no 3 Tag zum schaffe und denn isch die Zit do in Valbella au scho weder verbi!

Neiiii stimmt gar ned...denn ischs mit schaffe verbi! :-) Ich bliebe nochli und gnüsse de schöni Neuschnee vom Sonntig...eifach en Traum.

D Prominenz isch leider schoweder abgreist, aber velecht gseht mr de eint oder ander glich no am kommende Wochenendi do in de Lenzerheid, am Redbull Skills Renne.

und erkennt? für es richtigs Foti hets leider it glängt! :-(

Abem 7. April bin ich denn weder im Fricktal dihei....

Eifach herrlich...

und das isch no für alli wo sich beklagt händ min Blog sig LANGWILIG!!!!

ufem Weg zum go schaffe...

de Blick zu eusem Hotel...Tgiasa da Lenn

Blick zum Stätzerhorn vo eusere Dachterrasse

Eusi Lounge hämer natürlich au scho installiert...herrlich es Käfeli z drinke do usse in de Mittagspause.

De Blick zwösche de Store dure...juhuuuu schoweder Sonneschii!

Guete Ufwind hets wohl au...en Heissluftballon....so schön!

Morn han ich frei und gang ab uf Piste und wens z viel Lüt het..hocke mir eifach is Bergrestaurant! :-)

En Abstächer is Fricktal ad Fasnacht...

Jetzt isch d Fasnacht zwar schoweder verbi...aber do glich no en chline Rückblick.

Z Nachtässe im Adler Oberhof vorem Uftritt in Münchwile und Wölflinswil.

Narrenmäss Wittnau

Fasnachtsmärt Frick

Nachem Uftritt im Altersheim z Frick und em Openair z Möhlin isch diejährigi Fasnacht schoweder verbi!

Es isch en kurzi, aber suuper Zit gsi!

Danke Chriesi Chlöpfer

En perfekte Skitag

Es isch Mentigmorge am halbi 9i: d Simone chont a und scho korzi Zit spöter gots mitem Rothhorn 1 Gondeli ufe zum Rothorn.

D Ussicht?? Herrlich!! stahlblaue Himmel und strahlende Sonneschii...s Wetter chönt ned besser si!

De Tunnel vom Rothorngipfel zum Weisshorn Speed Lift isch mitem Snowboard chli en Useforderig gsi...aber mir händs gschafft und bis am Mittag isch denn no de Didi chli mit eus unterwegs gsi.

Blick nach Arosa

Nachem Mittagesse ide Tschuggen Hütte simer denn weder zrugg id Lenzerheid chli in Aprés Ski! :-)

und spöter denn hei go z Nachtässe...bimene feine Martini Cola hämer de Obe usklinge loh!
>>>> übrigens MIS neue favorite Getränk! <<<<

En perfekte Tag mitere super Begleitig...DANKE SIMONE es isch en geniale Tag gsi! Gerne wieder!

Sorry wägem Föteli im Auto...es het denn doch plötzlich no pressiert zum eis mache! ;-)

en freie Tag am gniesse...

Es het nomol Schnee geh, aber leider het ers schwer gege de bösi warmi Föhn do...doch de Schnee haltet sich wacker...ämel do unde im Dorf und um de See.

do möcht ich mol go brötle..direkt am See...

Blick zrugg nach Valbella...übrigens zemlich in de Mitti obe stoht im Roger Federer sis Ferie Chalet!

Has au nonig genau gfunde... :-)