De Schnee isch endlich do...

Endlich ischs doch no cho schneie. Wills de ganzi Stephanstag gschneit het, beni denn erst am Obe no rasch chli use. Vorher hätt mr die Tanne eh ned gseh! ;-)

am 27. isch denn zum Glück weder d Sonne fürecho...so ischs doch viel viel schöner!

Zauberwald in de Lenzerheid...das mueh mr gseh ha!!

En Wiehnachtsmärt im Wald, mit täglicher Live Musig und wunderschöne Lichtspektakel!

Mehr chan mr zu dem ned säge...

Tanja Dankner und Band

 und no viel meh...

In den Bergen angekommen...

Am 8.12.2013 ischs los gange...das alles hämer tatsächlich id Autos brocht.

und vorallem het alles sin Platz gfunde i mim neue chline, aber suuuper Dihei!!

S Beste isch natürlich d Ussicht woni jede Morge han! Direkt usem Bett! ;-)
Niedisch???

Für de eint oder ander Gast hani au Platz, also falls mol öper möcht chli cho skifahre oder so!!! Eifach mälde, es het no viel Platz im Gästebuech.

Au wenn mr ned Skifahrt isches do en Traum...vorallem bi dem Wetter! <3 <3 <3

do gang sogar ich freiwillig go jogge!

De Morge vo mim erste Arbetstag...do lauft mr also sehr gern chli bis zum Hotel!

Näbem massiere, Tee koche, chli putze und Gäst betreue, ghört au Tüchli zäme lege zu mine Ufgabe...bin scho en richtige Profi! ;-)

Wer mer will gseh und wüsse, dörf sehr gern mol im Wellness Tor da Lenn im Hotel Valbella Inn verbiluege!!

Zurück zu Hause...und bald wieder weg

Hallo mini Liebe

Jetzt bin ich bereits weder sit 3 Woche zrugg in de Schwiz...zrugg im Alltag! :-(
Leider got das immer viel schneller als mr dänkt. Doch d Erfahrige und Erlebnis chan mir niemerd neh und mit all dene viele Föteli chan ich mich immer weder erinnere. Es isch wörklich eini vode schönste Zite i mim Läbe gsi!

Und bald scho startet mis nächste Abentür...VALBELLA! :-)

Ich freu mich riesig uf mini neu Ufgab und au Useforderig im Hotel Valbella Inn. Wers interessiert dörf gärn mol uf de Homepage ineluege. www.valbellainn.ch

Es würd mich freue, wenn ihr mich witerhin über min Blog begleitet.

Ganz liebi Grüessli
Natie

Back in Vancouver

Am Mentig Mittag beni denn wedermol zum Busbahnhof gfahre, de Weg kenni jo zum Glück scho und de Bus het mich denn zrugg nach Vancouver brocht! Z Obe am halbi 8i beni denn endlich in Vancouver acho.... :-)

S Wätter?????

Isch do ned wörklich besser, Regen und Sonne im Wechsel...halt de Afang vom Herbst in Vancouver.

Und glich ischs wunderschön do...

de letschti Gang richtig Stanley Park mit Blick zrugg ufd Stadt...

 

und jetzt isch nochli shoppe agseit...di letschte Gschänkli und Souvenirs sind bereits postet.

Morn morge früh am 8i startet denn hoffentlich pünktlich min Flüger do in Vancouver, dass ichs au eimol erläb und in Toronto ned mueh uf de Flüger renne...

DANKE viel viel mol, dass ihr immermol weder do ine gluegt händ, mich uf minere lange Reis begleitet händ und bis die Tage zrugg in de Schwiz...

Dicke Schmatzer cya soon
Natalie

HAWAI'I - Maui

Mir sind endlich in Maui bide Sabrina undem André acho.

Am Morgefrüh, das heisst am halbi 4i am Morge sind mir losgfahre uf de Haleakala go de Sonneufgang luege.

Das isch eusi Ussicht gsi...

leider mit seeeeeehr viel Wolke, Wind und ca. 0 Grad! Mir händ also fast alles agleit wo mir debi gha händ! :-/ brrrrr...han gar ned gwösst, dases in Hawaii sooo kalt chan wärde.

und so hättis usgseh, wens kei Wolke gha hät! :-(

 

Danke André und Sabrina fürd Föteli! :-)

 

Bim abefahre hämer denn gmerkt, dases unde im Tal gar ned sooo schlächt gsi wär!

Egal...es isch es Erläbnis gsi.

 

 

Deför hämer denn am Obe no es Bierli am Strand trunke und de Sonneuntergang chöne gniesse!

Wunderschön...

 

Live isches no viel kitschiger gsi! ;-)

 

Die erste beide Täg hämer eifach mol mit fast nüt mache und chli sönnele und bädele verbrocht!

Herrlich säg ich euch.

 

Höt simer denn Road to Hana gfahre.

En Bergpass fahre am Northshore vo Maui.

 

 

Twin Falls händ leider ned so viel Wasser gha, aber s hinderelaufe isch glich sehr schön gsi. Quer durch de Tropewald..es isch au dementsprechend füecht gsi.

 

Immer mol weder het mr ufs Meer und d Buchte abegseh.

 

Mir sind ned ganz bis nach Hana gfahre...händ die Kürvli denn au mol gseh gha. ;-)

Ufem Rückweg hämer in de Hälfte vom Weg no es Glace g ässe.

 

In Paia hämer nochli an Beach wölle go bade, aber bi dere Ussicht hämers eus anderst überleit. Do sinds grad am Zuckerrohr abbaue. Dodezue fackle sie die grüene Fälder ab und nämes denn zäme.

Das stinkt abartig! Es stoht sogar es Schild an de Stross "Smoke and Dust ahead" = SOFORT Fenster zue, Klimaalag a und Belüftig nach usse usschalte!

 

Morn freue mir eus uf witeri Erläbnis....mehr dazu hier...

 

 

Zipline in Maui

 

 

Nachem Zipline simer no nach Lahaina go en riesige Burger ässe und denn nochli go shoppe. Hämer eus jo au verdient nach dere Asträngig.

 

De Banyan Tree

bi dem Baum wachse vode Äst weder Wurzle gege abe und so wird de Baum immer grösser und grösser. Do in Lahaina ischer bereits 3/4 Hektar gross.

 

Das isch also ned alles vo dem Baum!!! Het eifach ned Platz gha.

 

 

SAMSTAG

 

Am Samstig isch denn Tauche ufem Plan gstande, ämel für die wo händ wölle.
Ich au???...nei ich han ned zu dene ghört. Ich han mir en fuule Tag am Strand gmacht. Chli sünnele, chli läse, chli bade, chli nüt mache...so wie mr sich Ferie vorstellt.

 

Da höt euse letschti Obe gsi isch, sind mir nomol go so en wunderschön kitschige Sonneuntergang luege und denn no fein go ässe. Herrlich...und das Bier isch bi dem Pris wo mir zahlt händ grad extra guet gsi! ;-)

SONNTAG

Am Sonntig isch denn schoweder packe agseit gsi...und Abschied neh! :-( sniff, sniff...
Tschüss Nicole, tschüss Sabrina, tschüsse André, tschüss Maui, tschüss schöns, warms Wätter...wäääähhhhhh!!! :-(

 

Ich befürchte s Schlimste mitem Wätter und es wird Stunden spöter bestätigt. Zerst verfrühr ich scho im Flüger fast und das mit 2 T-Shirts, eme dicke Pulli undeme Schal! und denn rägnets au no in Seattle...na bravo! Uf das abe nimm ich deför es Taxi wo mich für 40 Dollar direkt vor Türe vom Hostel fahrt. Die sind uf jedefall guet investiert.