Andrea -> Nur für dich!

Fensterplatz im Flugzüg!

 

Wawota - Bide Familie Schlienger uf de Farm

Sit 2 Tag beni bide Familie Schlienger do in Wawota. Das isch in Saskatchewan, rund 2,5 Stunde vo Regina entfernt. Ringsum isch eifach flach, Fälder, Wiese, Seeli und Bäume! Mr gseht do unglaublich id Witi, was mr sich aber gar ned chan vorstelle, wenn mrs ned sälber gseh het.

Andrea: das isch im Fall no witer und grösser als alles wo mir gseh händ! und Heuballe hets do no viel mehr! 1 Fäld -> über 700 Rundballe!!!

Gester beni mol acho und han alli kenneglernt und dörfe gseh wie sie do läbe. Ich bin ganz härzlich do ufgnoh worde! DANKE VIEL VIEL MOL NADJA, CHREGI, LEVIN UND AIDEN!

Leider han ich mich aber scho müesse vo mim einte paar Schueh verabschede...die händ di ersti Nacht ned öberläbt. Die beide Hünd händ sie zum fresse gern gha! Egal...zum Glück händs jo ned so viel kostet und s guete dra isch...ich han jetzt Platz für es neus Paar! ;-) Juhuuu...

Ich dörf jetzt nochli do bliebe bis am 1. September und hoffe, dasi no ganz viel Sache wird erläbe...langwilig wird's mir do aber ganz sicher ned!

Es isch mir definitiv ned langwilig worde....ich han ganz viel gseh und erläbt.

En schöni Obestimmig...

en wuuuunderschöne Sonneuntergang...

und en Sternehimmel...unbeschrieblich und sogar Nordliechter!

 

Was ich söscht no gmacht han? Wösch ufghängt, im Garte gschaffet,

 

 

de Rase gmeiht und Quad gfahre!

 

 

 

 

 

Uf de Quad Tour

 

 

 

(de Chregi am Drösche)

 

und am See simer au no gsi....au sehr schön.

 

En Geier...en riesige Vogel!

 

Und Wildgäns...die sind do in Scharen.

 

Und ich...ich gang jetzt denn ab nach Edmonton go shoppe! ;-)

 

 

Und das mueh eifach no erwähnt si....(und es git no meh...)

Es git diverses wo mr do gseht, wo mr gar ned so ganz chan glaube, ernst neh oder öberhaupt verstoh. Drum passe die Sache au niene inen andere Post...drum chöme die Sache ab sofort immer mol weder do ine!!!!

En Strass mit luter rosa Bälleli in Montreal

 

Das isch Poutine -> Gseht komisch us isch aber sehr fein.

 

Genau..de Briefkaste vom Samichlaus isch in Huntsville.

 

und dört stoht au eifach es Klavier am Strasserand wo druf stoht mr söll spele...nur töne duets echt schräg!

 

Oder de bequemsti und schönsti Legestuhl us Holz.

 

De Stuhl gits sogar no uf de Fähre und in verschiedene Farbe.

 

 

Ja...en handgschrebnigi Quittig...das hämer doch scho ewig nüm gseh.

 

Oder wie wärs mitem Marché Restaurant! Nei das isch ned in de Schwiz, das isch in Toronto!

 

Und do sind no die Tier usgstellt wo mr jo ev. ned gseh het in de Wildnis

Batman? Robin? Starwars? Monster? und so witer und so fort???

 

Das erlebsch nur an de Fanexpo in Toronto...

 

Do gits Nastüchli wo nach Erdbeeri schmöcke!!! Mr gwöhnt sich jo an alles und mängisch sinds no rächt hilfrich, wenn das Näbedra im Bus ned so agneh duftet. :-)

 

 



Niagara Falls am Tag und Toronto Downtown

Am Morge sind mir denn früh ufgstande, damit mir zitig bide Niagara Fäll gsi sind. Nach 10 Minute astoh und de definitive Itrittskarte isches zackig gange. Treppe abelaufe, s blaue Mänteli alege und ab ufs Schiff wo eus direkt zude Wasserfäll gfahre het.

 

Die amerikanisch Site...

 

 

und di kanadischi und natürlich schöneri! ;-)

 

 

Denn hämer no chöne hinter de Wasserfall luege...und sind eifach nur no mehr nass worde!

 

Vo dene Tunnels hets 2 Fenster gha, wo mr direkt hinterem Wasser gsi isch. Gseh het mr zwar nüt ussert Wiis, aber lut ischs gsi. Es richtigs donnere...

 

 

au kei Wunder wenn do pro Minute 154 Mio. Liter Wasser abefliesse!
(Im Winter sinds nur 86 Mio. Liter pro Minute)

 

Vo obe het denn das ganze au no sehr schön usgseh!

 

 

und sogar d Sonne het zwöschedure mol usegluegt. Leider hets bi so viel Wasser halt au sehr viel Dunst und Nebel! :-(

 

 

Drum het au de 3 Wettertaft do nüt meh gnützt...Frisur ade! :-)

 

 

 

Nach dem viele Wasser hämer eus uf de Wäg gmacht nach Downtown Toronto. S letschte mol het eus de Garmin gseit wo mir müend durefahre...und mir händs sogar uf Ahieb mitere scharfe Linkskurve gfunde. Mitem Taxi simer denn zum Hostel gfahre und händ icheckt.

 

Im Zimmer hets eus aber ned lang ghalte und mir sind z Fuess quer durch d Stadt zum CN Tower.

 

 

 

und spontan wie mir sind, sind mir natürlich au grad no ufegfahre!

 

 

ja genau, das isch de berühmti Glasbode im CN Tower...342 m überem Bode! Brucht also schono recht Überwindig zum do druf z stoh...aber mir händs gschafft.

Lege isch au ned unbedingt agnehmer gsi...ab es gseht super us! Vorallem isch glaub bald jede um eus ume dört am Bode glege oder es isch dr no bald es Kind uf de Kopf gstande!

 

und das isch jo wohl s beste Foti!!!

 

 

Übrigens de höchsti Punkt vo CN Tower isch 553 Meter überem Boden!

 

 

bi Nacht...wunderschön belüchtet und je nach dem wo de Lift grad isch, ändert d Farb vom Streife vo unde nach obe. Das got recht schnell, will de Lift nur 58 Sekunde brucht bis zude erste Plattform...fahrt also mit rund 22 km/h ufe und abe!

 

Old Toronto

 

Bankenviertel

 

Und im Land vom Eishockey dörf natürlich d Hockey Hall of Fame ned fehle..die hani allerdings nur vo usse gseh...chli en tüüre Gspass.

 

 

Last but not least...Toronto Downtown

Blick vo Toronto Island...wunderschön, aber leider scho wolkig...

 

aktuell herrscht dusse grad en Thunderstorm...also eigentlich regnets nur und windet chli mehr als söscht! ;-)

D Andrea isch bereits dihei und wohl scho bald weder am schaffe und ich flüg morn witer nach Regina und fahr denn am 27. mitem Auto nach Wawota...raus auf die Farm. :-)