De netti Vermieter het denkt, er git eus en Suite, denn hämer chli mehr Platz!
10 Meter witer hinde fangt grad de See a...Sandstrand, Liegestuhl...was will mir meh? Ah jo genau chli mehr Zit zum dört au chli chöne zsi! Die Zit hämer leider ned gha und sind witer gfahre nach Manitoulin Island.
Bim überefahre ufd Insle muess mr über en Brugg fahre wo all Stund 1x zur Site schwenkt, damit d Schiff chöne in und usem Hafe fahre. Sehr beidruckend gsi.
Als nächsts sind mir go en chline Wasserfall aluege. Dört hätt mr sogar no chöne bade, aber bi so viel Lüt und Hünd und Schildkröt hets eus ned wörkli agmacht. Föteli do und no eis do und no eis do und witer gots.
Uf eusere Inselrundfahrt hämer no bimene wunderschöne Aussichtspunkt aghalte und öber witi Teil vode Insle chöne luege.
Und das isch no euse treue Begleiter in de letschte paar Tag...
Nächster Punkt ufem Plan -> Wedermol en chline Reinfall! :-( Im Hafe ischs letschte Passagierschiff vom Ontariosee adockt...und rostet do sochli vor sich ane. Und de Lüchtturm het sini beste Tag au scho es zitli hinter sich!
Es Indianerdorf wo mr no gseht wied Indianer läbe...so spannend, das müehmer gseh! ussert es paar Ruine vonere Schuel undeme alte Hafegebäude hämer aber nüt gfunde. War wohl nichts.
South Baymouth -> Es paar Souvenirshops, 3 Restaurants und diversi Motelzimmer...und de Hafe fürd Fähri. Mehr gits do ned! Aber für eus hets glängt und mir händ direkt vis-à-vis vode Wartelinie fürd Fähri übernachtet. Perfekt zum so lang wie möglich schlofe. Fish & Chips und es kühls Canadien und zum Dessert es Glace...tiptop zum so en stressige Tag chli Revue passiere z loh.
Bevor mir sind go schlofe hämer aber bim belade vode letschte Fähri a dem Tag no Klötzli gstuhnet....lueget sälber was do alles Platz het.
Keine Kommentare:
Kommentar veröffentlichen