Am Morge früh nachem zMorge sind mir los gfahre nach Eganville. Eusi ersti Station..dört sind mir go en Höhli aluege...en rechte Reinfall gsi das ganze, drum gits au keini Föteli!
Denn sind mir Kilometer um Kilometer gfahre...bis in Algonquin National Park. S Touriste Center am Igang vom Park hämer no rechtzitig erreicht und eus chöne informiere. Vom Parkcenter us hämer denn die Ussicht chöne gniesse.
Aber wo isch de Bär? Ich glaub ich gseh öpis im See!!
Gschlofe hämer in Huntsville. Es Motel wo eigentlich es Hotel isch. Die ade Rezeption het eus es Restaurant empfohle im Städtli. dört ässe glaub söscht nur Iheimischi, aber de Fisch and Chips isch super gsi und speditiv! Mir sind nach 40 Min. weder dusse gsi und dodevo hämer 15 Min ufs Ässe gwartet und 5 Min zahlt. Nachhär hämer am Fluss no gmüetlich es Mukoka Bier trunke.
Am nächste Morge sind mir zrugg in Park. Unterwegs hämer no bi Erika's aghalte und euses z Mittag kauft.
Baustelle an Baustelle an Baustelle...jo halt au das muess si!
Die Tier hämer leider ned gseh...
deför en WOLF!!!
Im Park hämer en 2 stündigi Wanderig gmacht. Abgseh vo ca. 20 Mosquitostich hämer keini Verletzige oder so mitgnoh. (Kurz am Rand bemerkt, ich han nur 1 Stich gha.)
Aber alli Strapaze händ sich glohnt.
Je höcher das mr chont...umso schöner wird Ussicht! En Traum...
So ischs gsi zum abeluege...das het aber nur Kamera gmacht und mir sind in chli sicherer Entfernig stoh blebe.
Ufem Rückweg vom Park hämer no bide Ragged Falls kurz usserhalb vom Park agluegt.
Es Streifehörnli...jöööööööööööö!
Denn hämer eus uf di 1,5 stündigi Fahrt nach North Bay igstellt...und sind nach 50 Min scho dört gsi...dodezue mehr bim nächste mol.
Keine Kommentare:
Kommentar veröffentlichen