Es sind schoweder 3 Tag vergange...unglaublich wie die Zit rennt! Velecht ischs will ich sooooooooooo viel erlebe grad oder will ich mich soooooooooooooo uf Hawaii freue oder...eifach will mini Reisezit scho langsam im Endi zue got! :-(
Los Angeles...die Stadt wod Stars wohne...leider hani niemerd troffe! Kein Promi, kein Star..aber ich han vieles erläbt...aber eis nachem andere.
D Areis vo San Francisco nach L.A. isch länger gange als ich dänkt han...Plan läse isch ned immer allne geh! ;-) Ich bin denn uf jedefall am Obe am 8i au im Hostel gsi direkt am Santa Monica Beach. S erste Hostel wo ned inere versiffte Gegend isch! juhuuu....do chani sogar am Obe allei no ufd Stross und öpis go ässe.
Morn isch de 15. September und min Geburtstag...schochli komisch...s erste mol sit 30 Johr allei Geburtstag fiire! :-/ Aber ich han mir s BESTE GEBURTSTAGSGSCHÄNK selber gschänkt wo mr do in L.A. chan ha! ***** En Tag in de UNIVERSAL STUDIOS ******
Als ersts hani en Studio Tour gmacht. Do hani einigi Filmkulisse vo Filme und Fernsehserie chöne aluege. Unglaublich, wie oft die Hüser immer weder in Filme vorchöme und doch merkt mers ned, wenn mrs ned weiss.
Zum Bispiel de Pavion...ich kennen uns Ghost Wisperer...ihr?
oder die Strass? Genau Wisteria Lane us Desperate Housewifes
oder en mexikanischi Stadt wo gfluetet wird...
oder de durch es Erdbebe istürzende U-Bahntunnel....
und sälbstverständlich das unverkennbare Auto!!!
Vin Diesel in Fast and the Furious
Oder denn doch lieber Waterworld?????
de Kevin Costner hani leider ned gseh! :-(
Nach de Jurassicpark Bahn bini tropfnass gsi, aber bi gfühlte 40 Grad dusse isch das en wunderschöni Abkühlig...
denn no kurz bide Transformers verbi...
und scho isch min Tag do in de Universal Studios verbi!
Es isch de hammer gsi! Danke Mike und Denise für die viele super Tipps!!
Zrugg im Hostel hets grad no glängt für an d Strandpromenade füre und de Sonneuntergang am Santa Monica Beach z gniesse!
Es isch en fast perfekte Geburtstag gsi...leider nur fast! Ich han ja euch ned mit debi gha! ;-)
TAG 2 IN LOS ANGELES
Am Morge im Hostelzimmer hani mit minere Zimmernochberi festgestellt, dass mir jo chöne Dütsch rede, da sie us Hamburg chont und mir zäme uf di glich Hop on Hop off Tour mache! Kurzerhand händ mir eus zäme do und sind loszoge oder ebe gfahre....
1. Station: Rodeo Drive
Das isch die berühmti Feuertreppe usem Film "Pretty Women"! Fraue ihr wüssed was ich mein oder? Dört am Schluss wo er mit de Limo und de rote Rose anefahrt....sooooo schön!
Denn sind mir witer richtig Hollywood gfahre! Do in dem Club sind scho mängi berühmti Bands uftrete bevor sie berühmt gsi sind. De Geburtsort sozäge.
und das isch de Club vom Johnny Depp...er isch leider au grad ned do gsi.
Er het ebe do müesse posiere mit allne Touriste! ;-)
Mir händ denn spontan no en Hollywood Hills Tour buecht und sind uf Promijagd...
Sicht uf Los Angeles vodem Hügel woni weder nüm weiss wiener heisst! Sorry!
und Lilli und ich vorem Hollywood Schriftzug! (De Fotograf hets leider ned so im Griff gha)
Do in dem Huus händ scho ganz viel Promis gwohnt...chan euch aber nüm alli ufzelle.
und das kenne velecht die einte oder andere...wer isch scho uf dem Balkon gstande???
Genau de Michael Jackson.
und do hinder dem Tor wohnt Tori Spelling, bekannt us Beverly Hills 90210 und diversi anderi Film
Promis hämer leider wie fast z erwarte gsi isch keini gseh. Deför das Schild öpe 10x und mir händ en super lustige Tourguide gha!
Nach dere 2. Tour hämer gar nüm so möge und sind nur no de Walk of Fame ufe gloffe und denn weder zrugg und händ natürlich no diversi Sternli fotografiert...
Eis vode wichtigere gsänder do! :-)
gäll Sister??!!!
und denn isch schoweder Zit gsi zum witer go...aber ich chome jo nomol zrugg nach L.A., wenn au nur für 1 Nacht! ;-)
Keine Kommentare:
Kommentar veröffentlichen