Das mol hani weder chli en grössere Flüger gha und - en Fänsterplatz! :-)
De ersti Blick ufd Rocky Mountains...sooo beautiful!
Standortbestimmig! Ich ha grad kei Ahnig gha, wo mir sind, was das für Bärge sind,
aber es het guet usgseh....
Mir sind bereits im Landeaflug uf Vancouver...do hinde sött irgendwo Whistler si??!!!
Und das wohl Horseshoe Bay...ich hoffs ämel! ;-)
Downtown Vancouver!!! Ich bin mir absolut sicher. S Flache grad hinter de Hochhüser isch de Stanley Park und bide rote Krane isch de Hafe.
North Vancouver mitem Grouse Mountain...de Huusberg vo Vancouver und Skigebiet.
Das ischs erste Foti in Downtown. Unde am Hafe mit Blick nach Nord Vancouver. Das isch au scho fast Tradition. Isch jo schliesslich scho 2 Mönet mis dihei gsi vor 4 Johr.
Das wäre jetzt die rote Krane no chli us de Nöchi.
Es Krüzfahrtschiff...die händ grad Sicherheitsinstruktion gha...sehr witzig gsi zum zueluege und zuelose. Es het dementsprechend au einigi Lüt gha. :-)
(Passagier stönd alli unterhalb vode Rettigsbötli)
Eifach si, acho und gniesse! Es fühlt sich würklich a wie dihei si...sooooooo beautiful! <3
Bye, bye Krüzfahrtschiff...ganz langsam und still ischs losgfahre....also ned wie im Film wo no hunderti vo Lüt winke.
Cool öpis neus...am Canada Place...
und lueget mol was ich gfunde han...Regina in Saskatchewan!
An dere Stell liebi Grüessli nach Wawota ;-)
Leider machts Wätter ned so mit. Es isch rächt wolkig, aber uf de Föteli gsehts jo gar ned so schlächt us. Oder was meinet ihr?
Die neu erstellti Granville Street. Wälte zudere Baustell wo do vor 4 Johr gherrscht het!! und jetzt fahrt sogar en Bus und en Metro. Herrlich gmüetlich! ;-)
Und s Highlight bis jetzt...ich han natürlich bi Nacht nach Nord Vancouver müesse fahre.
Almost perfect! :-)
Leider machts Wätter immernoni mit und zeigt sich höt vode ganz schlächte Site.
Räge, Sturm und Gwitter! :-(
Doch ich lass mich vo dem ned abhalte und gang morn glich zude Capilano Suspension Bridge.
Mini witeri Reis id USA hani jetzt au plant, alles buecht und am Sonntig gots scho los....
bis ganz bald und euch ganz viel Spass bim Föteli aluege.
Natie
PS: Mr dörf mir also au öpis schriebe, wenn mr wött! ;-)
Keine Kommentare:
Kommentar veröffentlichen